Нагодай для зыску стаў перадрук «Народнай воляй» вясной г.г. вытрымак з кнігі Іллі Копыла «Нябышына. Вайна», дзе аўтар прапаноўваў «альтэрнатыўны» погляд на пэўныя падзеі Вялікай Айчыннай вайны і ролі некаторых яе ўдзельнікаў. (У красавіку г.г. гэтая ж публікацыя была нагодай для некалькіх пікетаў каля рэдакцыі выдання, у тым ліку і ветэранскага).

Зыскоўца таксама вырашыў, што публікацыі зневажаюць удзельнікаў вайны, мінскага падполля і беларускіх партызан, і запатрабаваў апублікаваць у газеце прабачэнні за іх дыскрэдытацыю. Акрамя гэтага, пенсіянер хацеў, каб суд абавязаў газету абазначыць пад загалоўкам сваю «недзяржаўнасць», і вызначыў, ці могуць бакі па-рознаму трактаваць закон «Аб СМІ» — кожны на сваю карысць.

Дапушчаны на працэс па зыску Аляксандра Пестракова ў якасці прадстаўніка грамадскасці намеснік старшыні ГА «БАЖ» Андрэй Бастунец задаволены зыходам справы. «Мне складана ўявіць сабе, якім чынам суд мог бы разглядаць патрабаванні зыскоўца па сутнасці», — зазначыў ён у гутарцы з прэс-службай БАЖ.

Днямі рэдакцыя «Народнай волі» выйграла яшчэ адну справу — Мінскі гарадскі суд пакінуў у сіле рашэнне Ленінскага раённага суда, які адхіліў зыск прарэктара Гомельскага дзяржаўнага універсітэта Сяргея Ханені аб абароне гонару і годнасці. Сп. Ханеня хацеў спагнаць з рэдакцыі 95 мільёнаў 500 тысяч рублёў.

Паводле прэс-службы ГА «Беларускай асацыяцыі журналістаў»